Руските медиуми утринава објавија дека заложничка криза е во тек во областа Брјанск. Михајло Подољак, советник на украинскиот претседател, на Твитер одговори дека Русите треба да се чуваат од своите партизани и се чини дека бил во право, барем што се однесува до партизаните. Рускиот волонтерски кор се огласи на Твитер и објави видеа на кои тврдат дека тие се одговорни за нападот и дека се на страната на Украинците.
Портпаролот на итната помош претходно за РИА Новости потврди дека неколку лица се приведени во продавница во селото Љубечан и дека се истражуваат околностите на нападот и идентитетот на напаѓачите.
Тасс пренесува дека тие се инфилтрирале во село и киднапирале медицински работник. Тој патувал со својот автомобил, а потоа бил ослободен, изјавил локален жител кој бил сведок на инцидентот.
„Боналист од Љубечани е киднапиран при рација на украински диверзанти; сега го пуштиле. Болничарот бил сам зад воланот на неговиот автомобил“, рече сведокот. Мештаните останаа во своите куќи, ги затворија прозорците, никој не може да излезе надвор, а се слушаат и истрели, додаде тој.
Гувернерот на регионот, Олександар Богомаз, претходно изјави дека украински диверзанти се инфилтрирале во селото и пукале во автомобил, убивајќи еден локален жител и ранувајќи едно дете. Подоцна повторно објави на Телеграм и напиша дека десетгодишното дете е во болница и е стабилно.
На 3 февруари, регионалните власти го продолжија „жолтото“ ниво на терористичка закана, што подразбира зголемен режим на владини специјални служби, а на граѓаните им се препорачува да бидат внимателни и да им помагаат на органите за спроведување на законот.
Руските медиуми јавуваат и дека 50 украински диверзанти ги заробиле жителите на селото Сушани, а се слушаат и експлозии и пукотници. Во близина на селото е разнесена трафостаница, велат оттаму.
Исто така, ТАСС јавува дека во областа има мртви и ранети и дека украинските диверзанти кои ги нападнале селата држат шест заложници.
Гувернерот на областа Брјан, исто така, тврди дека селото Ломаковка во областа Стародуб било изложено на минофрлачки гранатирања во кои немало жртви.
„Селото Ломаковка во општинскиот округ Стародубски беше изложено на минофрлачки гранатирање. Од гранатирање нема жртви, оштетени се две домаќинства“, изјави гувернерот.
Итната помош излегла на местото на настанот, пренесува РИА Новости.
Рускиот волонтерски корпус се огласи на социјалните мрежи. Тврдат дека се одговорни за нападот и дека се на страната на Украинците.
Рускиот волонтерски корпус (РДК) е единица составена од екстремно десничарски милитанти од Русија кои се борат на украинската страна. Информациите за групата првпат се појавија во август минатата година на Telegram, која му припаѓа на познатиот руски бизнисмен по име Денис „ВајтРекс“ Капустин (Никитин). Самиот Денис Капустин се појавува на видеото со пиштол во рацете.
Групата е составена од персонал од различни вооружени формации. Не е познат бројот на луѓе вклучени во единицата. РДК ги користи симболите на Руската ослободителна армија (или РОА, која соработуваше со нацистите за време на Втората светска војна), што е типично за руските неонацисти, и се најде во центарот на политичкиот скандал околу руската опозиција во Украина , пишува сајтот
