Иако некои луѓе го претпочитаат „класичниот“ начин на запросување, има и онакви кои сакаат да бидат оригинални, уникатни и сето тоа да биде „незаборавно“. Такво запросување, се чини, се случи во Загреб.
Иако реши да остане анонимен, начинот на којшто додворувачот ја побара својата девојка за жена, секако не остана незабележан. Човекот решил да го постави големото прашање на три билборда, распоредени крај автопат близу Загреб, адресирани до Марта.
На првата порака пишувало само „Марта“. На вториот билборд – „Да, ти Марта“, а последниот вели: „Што мислиш, да се венчаме?“
Не се знае дали Марта кажала „Да“, но ова бргу стана интернет-хит што, секако, разнежни многумина.
