Според се, Новак Ѓоковиќ нема да тренира на Мелбурн Парк втор ден по ред.Во недела тој закажа тренинг во 19:00 часот на теренот број десет, за подоцна да биде тргнат од распоредот, а од организацијата ни потврдија дека тренингот е откажан. Ќе видиме дали ќе има некои последователни промени.
#поврзани-вести_1
Во саботата, Новак првично требаше да тренира од 12:15 часот, но не тренираше ниту тогаш, ниту во терминот од 19 часот.
Останува можноста Ѓоковиќ да тренира на друго место, далеку од очите на јавноста, но со оглед на проблемите со задната ложа, навивачите на Новак стравуваат од стартот на Австралија опен.
„Малку се мачев со тоа, да бидам искрен, во последните седум дена, но се надевам дека тоа не е голема грижа. Досега сум способен да тренирам, да се натпреварувам, да играм поени, тренинзи. Тоа е позитивен знак. Малку сум повнимателен, не одам со полна сила на тренинзите, штедам енергија за следната недела. Се надевам дека тогаш нема да ми биде проблем“, рече Ѓоковиќ на прес-конференција во петокот.
Новак е деветкратен шампион во Мелбурн, а првиот меч на овогодинешниот турнир ќе го одигра во вторник околу 11:00 часот по средноевропско време, против Шпанецот Роберто Карбаљес Баена.
