Новак Ѓоковиќ вечерва пристигнува во Австралија, земја во која на почетокот на оваа година му беше забранет влез.
Најдобриот српски тенисер беше депортиран во јануари годинава, иако претходно доби потврда дека ќе може да учествува на Австралија опен и покрај тоа што не сакаше да се вакцинира против корона вирусот.
Ѓоковиќ потоа помина неколку дена во хотел за депортација, водејќи правна битка за влез во Австралија и за дозвола да игра на првиот Грен слем во сезоната. На крајот не само што не го добил, туку добил тригодишна забрана за влез во државата.
Целата фарса беше само дел од предизборната кампања во пресрет на политичките избори во таа земја, а бидејќи Ѓоковиќ не беше вакциниран, беше етикетиран како личност која „ги инспирира антиваксерите против задолжителната вакцинација во Австралија“.
Во меѓувреме, сè се промени. Настаните во Украина придонесоа корона вирусот целосно да излезе од сферата на глобален интерес, а за самите вакцини веројатно се зборува во некои азиски земји. Засега нема информации за нивната примена и задолжителните нови дози.
Исто така, се промени и владата во Австралија, па забраната за влез на Новак во земјата беше укината.
Австралискиот „Ејџ“ пренесува дека Ѓоковиќ во вторник навечер по локално време треба да пристигне во нивната земја, а тоа го потврди и Крег Тајли, првиот човек на тенисот и Австралија опен.
Мислам дека Ѓоковиќ ќе биде најтешко да се победи. Тој ја заврши 2022 година играјќи го најдобриот тенис. Тој сака да го израмни актуелниот рекорд за најмногу Грен слем турнири што го држи Надал. Тој има за цел да биде најдобар на сите времиња“, рече Тајли, додавајќи дека не се сомнева дека Србинот сепак ќе добие срдечно добредојде во Австралија.
