Цените на енергијата се очекува да растат на почетокот на 2023 година, предупреди во средата француската премиерка Елизабет Борн, истакнувајќи дека трошоците за електрична енергија на европскиот пазар би можеле да бидат десет пати повисоки од лани, пренесува РТ.
– Цените на енергијата растат. Што се однесува до гасот, пазарот ја „наштима“ цената за 2023 година да биде пет пати поголема од цената од 2021 година – рече премиерката на прес-конференција.
До десет пати поскапа струја
Претходно, француските медиуми објавија дека големопродажната цена на електричната енергија во Франција следната година ќе достигне рекордно високо ниво, надминувајќи 1.000 евра за мегават-час, што е десет пати поскапо од лани.
Франција ќе проба да се задржи на 15 отсто
Во средата, Борн ги објави новите владини чекори за борба против зголемените цени на гасот и електричната енергија во Франција. Владата вети дека ќе го задржи зголемувањето на цените на гасот и електричната енергија на 15 отсто во 2023 година, потег што се очекува да го чини францускиот буџет од 16 милијарди евра.
Субвенции има, фирми нема
Владите ширум Европа веќе изореа стотици милијарди евра во даночни намалувања, стипендии и субвенции за да се справат со енергетската криза што ја зголемува инфлацијата, принудувајќи ги индустриите да го затворат производството и да ги зголемуваат сметките за комунални услуги пред зимата.
