Тројца починати и 96 заболени од ковид-19 се регистрирани во последното деноноќие, соопшти Министерството за здравство.
Направени се 729 тестови, а регистрираните нови случаи се во Скопје – 55, Битола – 10, Куманово – 8, Тетово – 6, Прилеп – 4, Кавадарци, Велес, Охрид, Штип и Крива Паланка по 2, Неготино, Радовиш и Богданци по 1.
Од вкупниот број позитивни, регистрирани се 19 реинфекции. Регистрирани сe 37 оздравени пациенти.
Во текот на изминатите 24 часа е регистрирано едно починато лице од Прилеп (69), починато во болнички услови. Согласно, Регистарот на умрени лица со дијагноза ковид-19 од Мој термин, се регистрирани две починати лица од Скопје (81 и 91) во домашни услови.
Досега во земјата се дијагностицирани 342.775 лица, бројот на оздравени пациенти е 332.806, на починати е 9.534 а бројот на активни случаи изнесува 435.
