Минатиот викенд во Имола, Формула 1 шампионот Макс Ферстапен победи на трката за Големата награда на Емилија Ромања и по тој повод уште еднаш ја потврди својата доминација над Луис Хамилтон – поранешниот шампион, кого минатата сезона го престигна во последното коло и го освои Наслов. Ферастапен цел круг го обиколи Хамилтон, кој трката ја заврши на 13. место.
На официјалната веб-страница на Макс Ферстапен, колумната ја напишал неговиот татко Јос Ферстапен, некогашен Формула 1 возач.
* Марко за Хамилтон: Можеби требаше да престане минатата година
„Макс имаше одличен викенд во Имола, не погреши. Целосна контрола – неверојатно! Искрено, уживав да го гледам како го престигнува Хамилтон за цел круг по се што се случи минатата година. Хамилтон навистина се мачи, во подобра ситуација е неговиот соиграч Џорџ Расел. Ретко имате можност да оставите автомобил Мерцедес зад себе на тој начин“, напиша 50-годишниот Јос Ферстапен.
Макс Ферстапен моментално е втор во генералниот пласман во Ф1 со 59 бодови, додека Шарл Леклер од Ферари е на врвот во генералниот пласман со 86 бодови.
Јос Ферстапен е поранешен шампион на германската Формула 3, а во Ф1 се натпреваруваше од 1994 до 2003 година со неколку паузи.
Следната трка во календарот на Формула 1 ќе се вози за време на викендот помеѓу 6 и 8 мај за Големата награда на Мајами. Целата акција од Флорида ќе можете да ја следите во директни преноси на каналите на Sport Club.
