Руската астронаутка Ана Кикина и уште тројца членови на екипажот пристигнаа на Меѓународната вселенска станица (ISS) откако патуваа со американското вселенско летало SpaceX.
„Едвај чекаме да дојдеме на работа“, рече американската астронаутка Никол Ман веднаш по приклучувањето на вселенската станица.
Тоа беше петта редовна мисија на SpaceX во МСС во име на НАСА, но прва со руски астронаут.
Покрај Ана Кикина и Никол Ман, во екипажот наречен Crew-5 се и Јапонецот Коичи Ваката, како и американскиот астронаут Џош Касада.
Ракетата на „Спејс Икс“ тргна од вселенскиот центар Кенеди во Флорида во средата, лансирајќи ја капсулата „Драгон“ во вселената, приближувајќи се до МСС во четвртокот по патување од 30 часа.
Членовите на Crew-5 ќе поминат околу пет месеци во оваа летечка лабораторија, на околу 400 километри надморска височина, каде што веќе има седум астронаути (двајца Руси, четворица Американци и еден Италијанец).
Планирани се неколку дена примопредавање со четворицата членови на екипажот 4 пред да бидат вратени на Земјата.
Пред две недели Американец полета кон МСС со руска ракета „Сојуз“.
Оваа долго планирана програма за размена на астронаути се одржа и покрај многу високите тензии меѓу Соединетите Држави и Русија од почетокот на руската инвазија на Украина во февруари. Така, обезбедувањето на работата на МСС стана еден од ретките теми на соработка меѓу двете земји.
