Налогот за апсење на пејачот Дадо Глишиќ е издаден откако тој не се појави на рочиштето во судот во Бања Лука по обвинителниот акт на Окружното јавно обвинителство.
„Судот му определи притвор на обвинетиот Драгослав Глишиќ. По обезбедувањето присуство на обвинетите, странките ќе бидат известени“, изјави судијата Зоран Милојица, пренесува Нова.рс.
За познатиот пејач од Бања Лука е распишана централна потерница, што практично значи дека доколку Глишиќ влезе во БиХ веднаш ќе биде уапсен.
Оваа информација ја потврди неговиот татко.
„Дадо беше волонтер и ја пееше химната на Република Српска, а сега имаат намера да го уапсат. Во таква земја живееме“, изјави Миливое Глишиќ.
Да потсетиме, пејачот беше во центарот на вниманието поради наводите дека ја претепал својата тогашна девојка Зерина Хеќо, која се прославила откако студирала во Задруга.
Глишиќ ги негираше овие наводи.
