Легендарниот австралиски музичар Ник Кејв подготвува филм инспириран од неговиот нов албум „Седум псалми“ кој излезе неодамна, пишува веб-страницата crackmagazin.
Албумот се состои од седум поезија од една до две минути со лесна музичка придружба на Кејв и неговата десна рака од Bad Seeds, Ворен Елис.
Албумот се затвора со подолг инструментал, кој е микс од претходните задни нумери. Кејв го претстави овој албум како нешто поразлично од само нов албум, издавајќи го во ограничен број како 10-инчен EP што го продава преку неговата онлајн продавница „Cave Things“ заедно со принтови, фотографии и маици.
Кејв го опиша филмот што сака да го сними врз основа на албумот на Инстаграм како амбициозна идеја со мал буџет и ги замоли фановите да придонесат во проектот испраќајќи му кратко видео од нивниот телефон за нешто што им значи многу. Неговата цел, како што изјави, е да создаде духовен портрет на светот во овој момент.
Како пример за тоа што би сакал да биде испратен, тој наведе „видео селфи портрети, природни чуда и природни катастрофи, свети и профани. Видео од некој што го сакате, видео што сте го снимиле на протест или нешто обично што ви изгледа убаво“.
Рокот за испраќање на овие снимки е 26 јули, а адресата за нивно испраќање е psalms@nickcave.com.
Инаку, во мај беше објавен новиот документарен филм „This Much I Know to Be True“, кој се фокусира на креативниот однос помеѓу Кејв и Елис, како и песните од нивните последни два студиски албуми „Ghosteen“ и „Carnage“. .
