„Ер Србија“ ја отвори летната чартер сезона со летови од Белград до Хургада, до која се планирани речиси 30 летови во април, соопшти компанијата.
Во мај, српската национална авиокомпанија ќе ги започне првите чартер летови за Турција, а од јуни до други дестинации. Во соработка со домашните туристички агенции, Ер Србија планира да реализира повеќе од 1.000 чартер летови до популарните дестинации во Турција, Египет, Грција, Италија и Тунис во текот на летната сезона.
За претстојните празници се планирани десетици чартер летови до Египет и Турција, како и голем број туристички групи на редовни летови, пред се до дестинации во Медитеранот и континентална Европа.
