Методија Спасовски и Кирил Дојчиновски се единствените Македонци кои играле против репрезентацијата на Бразил во која бил Пеле. Тие тоа го сториле во дресот на Југославија во 1968 година, каде на стадионот „Маракана“ Спасовски дал гол на самиот почеток, во седмата минута!
Спасовски бил лев бек, а во емисија на ТРТ Балкан се присеќа на голот за кој нескромно вели дека „не беше некој шут, но топката влезе во голот, така што се памети кој го дал голот“. Како дете постојано играл фудбал во населбата Чаир.
Светот од синоќа тагува за Пеле кој замина на 82-годишна возраст. За многумина тој беше симбол на фудбалското играње.
