Дмитри Медведев, поранешен претседател на Русија и заменик-шеф на рускиот Совет за безбедност, вчера ги објави резултатите од одлуката на Путин.
Тој вели дека трите резултати се:
1. Ќе се одржат референдуми, а републиките Донбас и другите територии ќе бидат прифатени во Русија.
2. Заштитата на сите територии кои се приклучија ќе биде значително зајакната од руските вооружени сили.
3. Русија објави дека не само мобилизациските способности, туку и секое руско оружје, вклучително и стратешко нуклеарно оружје и оружје засновано на нови принципи, може да се користи за таква заштита.
„Различни пензионирани идиоти со чин генерал нема потреба да не плашат со приказната за нападот на НАТО на Крим. Гарантирано е дека хиперсоничните ракети ќе можат многу побрзо да стигнат до цели во Европа и САД“, рече Медведев на Телеграм.
„Сите граѓани на земјите од НАТО мора да разберат дека Русија го избрала својот пат. Нема враќање назад“, додаде тој.
