Италијанското Министерство за здравство во неделата препорача луѓето со сериозно ослабен имунолошки систем да добијат четврта доза mVNA вакцина против ковид-19, под услов да поминат најмалку 120 дена од третата доза.
Специјалниот владин комесар за Ковид-19 ќе одреди датум за стапување на сила на препораката, во зависност од потребите на кампањата за вакцинација, соопшти Министерството.Министерството додаде дека оваа одлука е одговор на сè уште големата циркулација на вирусот и ефективноста што ја покажа бустер дозата на вакцината во спречување на смртни случаи поврзани со Ковид, но и општи симптоми кои бараат хоспитализација.
Во Италија се регистрирани 152.848 смртни случаи од почетокот на пандемијата во февруари 2020 година. Тоа е втор најголем број на смртни случаи во Европа, по Велика Британија и осми во светот. Досега во земјата се пријавени 12,4 милиони луѓе.
