Инфлацијата во еврозоната достигна рекорд поради војната во Украина
Инфлацијата достигна нов рекорд во 19 земји кои користат евро, бидејќи цените на горивата, предизвикани од војната во Украина, дополнително ги оптоварија финансиите на домаќинствата и го забавија економското закрепнување од последиците од пандемијата на коронавирус, јавува денеска Асошиејтед прес.
Годишната инфлација достигна 7,5 отсто во април, што е највисока од почетокот на статистиката во 1997 година, надминувајќи го стариот рекорд од 7,4 отсто во март.
Цените на енергијата се зголемија за 38 отсто, што е доказ за тоа како војната и придружната глобална енергетска криза влијаат на 343 милиони жители на еврозоната.
Растот на цените е последица на стравот дека војната може да доведе до прекин на снабдувањето со нафта или гас од Русија, најголемиот светски извозник на нафта, наведува АП.
