Пожар целосно уништи нова суперјахта вредна 24 милиони долари во Шпанија во четвртокот, неколку недели откако му била предадена на нејзиниот сопственик, италијанскиот бизнисмен Паоло Скудиери.
Шпанската агенција за поморско пребарување и спасување објави фотографија од запалената 44-метарскиот Ариа СФ , велејќи дека инцидентот се случил во пристаништето Кала Саона на западниот брег на Форментера на Балеарските острови на 11 август.
Службите за вонредни состојби подоцна изјавиле за медиумите дека сите 16 луѓе што биле во тој момент, вклучително и седум членови на екипажот, успеале да се евакуираат и подоцна биле превземени неповредени од чамец на цивилната гарда. Нивниот идентитет не е откриен. Причината за пожарот, кој по неколку часа е изгаснат, останува нејасна. Изгорениот труп на јахтата е одвлечен на Ибица.
Според магазинот „Суперјахт тајмс“, италијанската „Ариа СФ“ била испорачана во јули на Скудиери, кој е претседател на групацијата „Адлер-Хп Пелцер“, наводно вреди 500 милиони долари. Бродот, кој имаше „остри и спортски надворешни линии“, „мек под со ефект на тепих“, пет „луксузни“ кабини, базен и клуб, се очекувало да ја има својата светска премиера на саемите на јахти во Кан и Монако оваа година.
