Археолозите во Италија открија желка во Помпеја стара речиси 2.000 години, беше објавено оваа недела.
Желката, пронајдена меѓу остатоците од античкиот град под вулканот Везув во јужна Италија, датира од 62 година – по земјотресот, но пред вулканската ерупција во 79 година.
Откритието ќе помогне да се расветлат последните години на Помпеја, односно периодот на реконструкција по земјотресот, изјави за германската агенција dpa менаџерот на археолошкиот парк Габриел Зухтригел.
Според археолозите, оваа желка не е првата што е откриена на локалитетот. Сепак, она што е посебно за овој примерок е тоа што не е пронајден во градината, каде што се откриени другите.
„Очигледно, не се реновирани сите куќи, а централните области на градот исто така ретко се посетени, па станаа живеалиште за диви животни“, рече Зухтригел.
Научниците пронајдоа јајце во внатрешноста на желката, што доведе до шпекулации дека желката можеби копала за да најде место за да ја изведе, рече Зухтригел, додавајќи дека ова е вообичаено за видот тестудо хермани.
Желката била пронајдена во областа Стабијске терме во римски град, која била закопана во пепел, кал и лав во 79 година, поради што е делумно зачувана.
Помпеја била повторно откриена во 18 век, а археолошкиот локалитет сега е една од најпопуларните италијански туристички атракции.
