Машината за перење ги отстранува нечистотиите, дамките и бактериите од облеката, па не е чудно што со текот на времето самата акумулира нечистотија, мувла и сапун. Ако никогаш не сте ја исчистиле машината за перење, би било добра идеја да започнете.
Можеби се прашувате зошто воопшто да чистите машина што чисти? Размислете само да не се туширате во валкана када.
Редовната проверка на машината за перење ќе помогне да се отстранат мувлата, непријатните мириси и можните причини за уништување на облеката и потенцијално да се спречи нивното расипување. Затоа малку грижа и чистење може да помогне.
На Фејсбук страницата Mrs Hinch Cleaning Tips, еден корисник објави како правилно да се исчисти машината за перење.
Според стручните совети што ги добила, Кели Елфик напишала: „Само што ја сервисирав машината за перење и го прашав што е најдобро да се користи за чистење. Тој рече дека тоа се кристали од сода. Еднаш месечно ставете половина шолја во барабанот и ставете го на топло миење. Тој рече да се држите подалеку од оцет бидејќи со текот на времето може да го оштети гумениот дел од капакот“.
Објавата доби повеќе од 100 коментари и повеќето од нив беа позитивни. Многумина потврдија дека овој метод го користат со години.
Една корисничка открила дека со секое перење става кристали од сода во барабанот и дека нејзините алишта се побели благодарение на тоа. Некои напишаа дека кристалите ги користат поради тврда вода, а некои дека забележале како ја одржува свежо мирисот на машината за перење, prneosi Express.
