Европската унија планира да воведе санкции против рускиот претседател Владимир Путин и министерот за надворешни работи Сергеј Лавров, објави денеска „Фајненшл тајмс“.
Санкциите наводно ќе се состојат од замрзнување на целиот нивен имот и банкарски сметки, но не и забрана за патување, со цел „на симболичен начин да се остави отворена вратата на дипломатијата“, пишува ФТ, со други зборови, за Путин и Лавров да можат да допатуваат во други земји за да се спогодат за крај на кризата.
Министрите за надворешни работи на ЕУ денеска се состануваат за да разговараат за третиот пакет санкции, кој наводно ќе вклучува мерки против сите членови на Државната дума, рускиот Совет за безбедност и руски и белоруски претставници „поврзани“ со инвазијата на Украина, пишува Teletrader.
