Српскиот претседател Александар Вучиќ му испратил честитка на Милорад Додик по повод неговиот избор за претседател на Република Српска, соопштија од кабинетот на Вучиќ.
-„Убеден сум дека ќе работите упорно и со силна волја за да донесете напредок на Република Српска, а благосостојба на сите нејзини граѓани. Исто така, убеден сум дека со вашето политичко искуство одговорно ќе се справувате со различните предизвици на денешницата, зачувувајќи ги истовремено мирот и стабилноста во Босна и Херцеговина“, се наведува во соопштението.
Претседателот на Србија изјави дека „секогаш можете да сметате на искреното пријателство со Србија, како и на нашата несебична поддршка и соработка во негувањето на политичките, културните, економските и духовните врски“.
