Долго очекуваниот филм „Русoкоса“ (Blonde) на Ендрју Доминик беше премиерно прикажан со 14-минутни овации на Филмскиот фестивал во Венеција 2022. На Ана де Армас, која ја игра холивудската икона Мерилин Монро, лицето и блескало од солзите кои и течеле.
Пред светската премиера на филмот, Бред Пит, кој е меѓу продуцентите на филмот, Де Армас, режисерот Ендрју Доминик, Адриен Броди и Џулијан Николсон предизвикаа бурни реакции на црвениот тепих. Пит изненадувачки се појави во Венеција откако не присуствуваше на прес-конференцијата за филмот претходно истиот ден.
Присутна беше и Диди Гарднер, која е и меѓу продуцентите на „Русокоса“.
Биографската драма, базирана на истоимениот роман на Џојс Керол Оутс, е еден од најочекуваните наслови на фестивалот поради кастингот на Де Армас во улогата на холивудската икона.
Нејзиниот колега Броди исто така пушти неколку солзи. Пит беше видно задоволен.
„Русокоса“ го враќа животот на Монро, од нејзиното турбулентно детство како Норма Џин до нејзиното достигнување до светска слава. Во споредните улоги се Боби Канавал, Броди, Николсон, Ксавиер Семјуел и Еван Вилијамс. Филмот дебитираше во главната конкуренција на филмскиот фестивал во Венеција.
Пред светската премиера, „Русокоса“ доби критики од гледачите на социјалните мрежи за кастингот на Де Армас. Гледачите се пожалија на нејзиниот акцент во трејлерот, велејќи дека таа го задржала кубанскиот акцент и не го канализирала вокалот на Монро.
Во интервју за „ЛА тајмс“, 34-годишната актерка рече:
-Ги анализирав изразите на лицето, устата, усните, начинот на кој ги покажуваше долните заби. Гласот на една личност е повеќе од специфичен акцент. Тоа кажува многу за една личност.
Покрај тоа, Ана де Армас рече дека верува дека гласовното глумење на Монро е израз на нејзините емоционални потреби и тага и додаде дека поминувала по 12 часа секој ден на сетот на филмот, по што ќе работи со учител за акцент за друг три часа.
„Нетфликс“ ќе го објави „Русокоса“ на стриминг платформата на 28 септември.
ФОТО: Инстаграм
