Во Јапонија е сосема вообичаено да се видат мајки како ги носат своите бебиња во носачи.
Всушност, многу е веројатно четири од пет жени што ќе ги сретнете да го практикуваат. Зошто?
Носењето бебиња е стара традиција
Низ историјата, бебињата биле носени со „онбухимо“, што во превод значи „појас за носење на грб“, пишува Index.hr.
Станува збор за носач направен од мека ткаенина, која им била прилично удобна за жените кои со себе на оризовите полиња морале да носат бебиња и мали деца.
Ваквиот начин на носење бил најсоодветен за да можат да внимаваат на децата додека работеле.
Физичката врска помеѓу мајките и бебињата е многу важна
Врската помеѓу јапонските мајки и нивните бебиња е многу силна бидејќи тие многу го ценат физичкиот контакт.
Од мали нозе ги вклучуваат своите деца во активности и не ја пропуштаат можноста да бидат физички блиску до нив. Бебињата кои се носат се порелаксирани. Според студијата спроведена во Јапонија на 12 здрави бебиња, откриено е дека бебињата кои се носат се поопуштени и имаат побавно отчукување на срцето.
Истата студија покажа дека бебињата чии мајки ги носат на прошетка се поопуштени и помирни од бебињата кои седат во колички за време на прошетката, без разлика на возраста на мајката или брзината на одење.
Носењето бебе е поудобно кога користите јавен превоз
Бидејќи голем број Јапонци користат јавен превоз, мајките кои би сакале да се движат низ Токио или други градови со автобус, метро или воз бараат погодно решение.
Тие претпочитаат да ги носат своите бебиња во носач или прашка наместо во количка бидејќи на тој начин не мора да се грижат дали тркалата ќе им се заглават при влегување и излегување од возилото.
