Руската брутална инвазија на Украина влезе во втората година, а руските спортисти се надеваат дека наскоро ќе можат да се вратат на меѓународните натпреварувања.Меѓународниот олимписки комитет (ИОК) препорача на натпреварувачите од Русија и Белорусија да им биде дозволено да учествуваат на претстојните меѓународни натпревари под неутрален статус, пишува украинскиот новинар Виталиј Шевченко за Би-Би-Си.
Оваа одлука е удар за Украина, која остро се спротивстави на нивното учество.
Како и другите земји, Русија има жестока желба да ја претстави моќта на своите спортисти преку меѓународни спортови. Но, она што ја прави Русија уникатна е колку далеку земјата е подготвена да оди за да произведе наградувани спортисти – ова вклучува елаборирана програма за допинг што им забрани на руските спортисти да се натпреваруваат во странство.
И Вимблдон ја укина забраната за руски и белоруски играчи под услов да се согласат да не ги поддржуваат владите и лидерите на нивните земји. Таа одлука е донесена и покрај апелите на Украинката Елина Свитолина да им се забрани учество „се додека умираат невини Украинци“.
Министерството за одбрана во Москва со децении спроведува програми за обука на спортисти кои постигнуваат неверојатни успеси.
Врски со војската
Најпознатата таква програма се нарекува Централен спортски клуб на армијата (ЦСКА). Вработува стотици тренери, а програмата оперира голем број центри во Русија, обучувајќи повеќе од 10.000 спортисти.
Клубот наскоро ќе наполни сто години, а тој е толку успешен што неговите членови освоија огромно мнозинство медали за Русија на последните летни Олимписки игри во Токио. На тие игри Русите се натпреваруваа како тим на рускиот олимписки комитет, откако националниот тим беше суспендиран поради обвинувањата за допинг спонзориран од државата.
Министерот за одбрана Сергеј Шојку се сретна со овие спортисти на церемонијата по натпреварот и им врачи медали, велејќи дека мора да почнат да се подготвуваат за следната Олимпијада.
„Нема време за губење, мора да се фатите за работа“, им рекол тој. „Ќе направиме се што можеме за да можете правилно да се подготвите за следните Игри.
Друга позната спортска програма поврзана со руската војска е DOSAAF, исто така започната во 1920-тите.
Во управувањето и финансирањето на оваа програма е вклучено Министерството за одбрана, а со неа раководи генерал.
Рускиот претседател Владимир Путин ја опиша оваа програма како „вистинска школа на храброст“ која помогна да се обучат многу воени команданти, космонаути и пилоти.
ДОСААФ, исто така, произведе голем број олимписки медалисти, вклучувајќи ја и Виталина Батсарашкина, првата спортистка од Русија што освоила злато на Олимписките игри во Тои. Таа тренираше во клинот ДОСААФ за технички, воени и практични спортови во градот Омск во Сибир.
ДОСААФ нејзиниот медал го нарече „највисок облик на патриотизам“.
Допинг
Алчноста на руската влада за спортски победи најдобро се одразува во нејзината програма за допинг спортисти. Програмата беше претставена по Зимските олимписки игри во Сочи 2014 година, кога Русија освои најмногу медали од која било нација учесничка.
Во ноември следната година, истрагата нарачана од Светската антидопинг агенција (ВАДА) ја обвини Русија за „широко распространето мамење“. Инспекторите рекоа дека пронашле докази за „директно заплашување и мешање од страна на руската држава“ во работата на лабораториите кои ги тестирале примероците на спортистите.
Во 2016 година, ВАДА нарача нов извештај, познат како Мекларен, во кој се тврди дека повеќе од илјада Руси, вклучително и освојувачи на олимписки медали, имале корист од државно спонзорирана програма за допинг помеѓу 2011 и 2015 година. По овие откритија, Русија доби забрана за учество на меѓународни натпревари.
Москва негираше дека води допинг програма за спортисти, а претседателот Путин призна само дека „рускиот систем за допинг контрола не функционира добро“.
Зошто руската држава е толку опседната со победи во спортот?
Популарниот весник Ведомости пишува дека руската влада сака да го одржи единството на нацијата преку спортски успеси кога работите не функционираат како што треба на други полиња.
Потребни ни се победи за да го нахраниме патриотизмот“, пишува весникот. „Победата е дел од државната политика.
Оваа политика се врати назад кога стана позната државно спонзорираната програма за допинг, а Русија беше исфрлена од меѓународните натпревари.
Дополнителни исклучувања дојдоа преку санкциите кон Русија воведени поради нејзината инвазија на Украина во февруари 2022 година.
Според зборовите на Вјачеслав Фетисов, поранешен хокеар, освојувач на два олимписки златни медали и парламентарец од владејачката руска партија: „Ние сме најпонижената земја во историјата на меѓународниот спорт“.
