EUFOR Althea објави кратко видео на социјалните мрежи во кое објаснува зошто се користат оклопни возила во урбаните средини.
Портпаролот на ЕУФОР Шејмус Шенон истакнува дека ЕУФОР одржува широк опсег на воени капацитети. Дел од тоа, истакнува капетанот Шенон, се голем број лесни оклопни транспортери.
Ова се вообичаени превозни средства за воениот персонал. Иако моментално нема оперативни барања за нивна употреба, за нивното одржување е важно да возат редовно, што исто така им помага на возачите да се запознаат со околината.
Претходно овој месец, членот на Претседателството на Босна и Херцеговина, Милорад Додик, изрази жалење што дозволил продолжување на мисијата Алтеа (ЕУФОР) во Босна и Херцеговина и го опиша движењето на членовите на ЕУФОР низ БиХ како „парада“.
