Поранешниот фудбалер Златан Ибрахимовиќ зборуваше на поткастот на „АБТалкс“. Тој раскажа за пензионирањето од фудбалот, враќањето во Милан како главен советник на сопственикот на клубот и за смртта на неговиот агент Мино Рајола.
– Добро сум, така ме третира животот. Секако, се повлеков од фудбалот пред повеќе од 8 месеци, па мојот живот сега е поинаков. Прифатив да се откажам од фудбалот, што беше тешко поради моето его и начинот на кој се доживував себеси. Мислам дека сум најдобар и сѐ уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а претходно не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот“ – вели популарниот Ибра.
Потоа, неколку месеци подоцна, го запознава Гери Кардинале, кој го надгледува фондот „Редбрд“ што го купи Милан.
– Ми даде понуда што не можев да ја одбијам. Така почнав да работам со Милан, откако бев во клубот 3-4 месеци. Добро се однесуваат со мене таму, морам да признаам. Кога почина мојот агент Мино Рајола, тоа беше голем удар за мене. Многу плачев. Сѐ уште не е исчезнато чувството бидејќи спомените постојано ми се враќаат. Скршен сум бидејќи многу ми недостига. Секој што го познава знае колку бевме блиски. Да можам, би му напишал: „Ми недостигаш“ – сподели Ибрахимовиќ.
