Жителите на четири населени места на островот Евија во Грција мораа да се евакуираат поради пожар што вчера избувна на тој остров.
Како што јави Катимерини, противпожарните служби цела ноќ го гаснеле пожарот кој сѐ уште гори, па жителите на Климаки, Лиани Амос, Петриес и Криезија морале да се евакуираат.
Противпожарната служба соопшти дека пожарот се движел кон југ.
Во гаснењето на пожарот се ангажирани 205 пожарникари и 56 возила, пет авиони и три хеликоптери.
Заменик-гувернерот на Евија, Јоргос Келаидитис, го опиша пожарот како „многу тежок“ и „неконтролиран“.
Вчера вечерата експлодирала турбина на ветер, а остатоци паднале во близина на волонтерска единица, што за чудо не предизвикало жртви.
Еден пожарникар е во болница со изгореници. Изгоре едно противпожарно возило. Мобилизирани се и чамци на крајбрежната стража.
