Жена од Бедфордшир е првата жртва на афричката треска во Англија, објави британската здравствена Агенција за безбедност.
„Потврдуваме дека почина пациентката кај која беше потврдена афричката треска. Изразуваме сочувство до семејството“, наведено е во соопштението на болницата во Бедфоршир.
Инаку, жената што почина била една од тројцата Британци кај кои е потврден вирусот, а станува збор за семејство кое неодамна се вратило од патување низ западна Африка.
Во Велика Британија досега се потврдени 11 случаи на болеста која ја пренесуваат глодарите. Болеста е класифицирана како потенцијална пандемија и се наоѓа на приоритетната листа на Светската здравствена организација, веднаш покрај еболата и денгата.
