Земјотрес со јачина од 4,2 степени според Рихтеровата скала рано утринава ја погоди Романија, јавува ЕМСЦ.
Земјотресот е регистриран во Општина Нереж во областа Вранча на длабочина од 104 километри, нешто пред 4:30 часот наутро.
Како што објавија романските медиуми, жителите на Нереж раскажале дека за време на земјотресот се слушнал страшен звук како нешто огромно да се руши.
Според граѓаните на Бугарија во ЕМСЦ, земјотресот бил почувствуван и во оваа земја.
Засега нема информации за повредени или материјална штета.
