Украинскиот претседател Володимир Зеленски се очекува во Вашингтон во среда на неговото прво меѓународно патување од почетокот на војната на 24 февруари, пренесоа светските агенции, додавајќи дека тој може да се обрати во Конгресот и да се сретне со Џо Бајден во Белата куќа.Лидерката на Претставничкиот дом Ненси Пелоси објави писмена изјава во која ги „охрабрува“ парламентарците да бидат „физички присутни“ во среда навечер на седницата „специјално посветена на демократијата“.
Оваа посета, доколку биде потврдена, доаѓа во време кога американските парламентарци се подготвуваат да гласаат за нов голем пакет помош за Украина, пренесе АФП.
Американскиот претседател, од своја страна, треба да даде зелено светло за испраќање ракети Патриот, особено софистициран систем за противвоздушна одбрана, во Украина.
Украинскиот претседател се очекува да ги посети Белата куќа и американскиот Капитол во среда, иако безбедносните грижи би можеле да ги променат тие планови, објави Ројтерс, цитирајќи два извори запознаени со планирањето на посетата.
„Панчбоул њуз“ најпрвин објави за можното пристигнување на Зеленски во Вашингтон, цитирајќи девет извори запознаени со патувањето. Тој најави дека Зеленски се очекува да се сретне со раководството на Конгресот и со шефовите на комитетите за национална безбедност од Републиканската и Демократската партија и може да се обрати на заедничка седница на Конгресот.
