Украинскиот претседател Володимир Зеленски и главните соработници на американскиот претседател Џо Бајден во вторник пред американските сенатори ќе им претстават зошто е потребна нова воена помош за да и се помогне на Украина да ги одбие руските напаѓачи.
Американските власти велат дека САД ќе искористат се што имаат на располагање за Украина до крајот на годината, мрачно предвидување што доаѓа додека Киев се бори да постигне голем напредок во својата контраофанзива против Русија во 2023 година.
Администрацијата на Бајден побара од Конгресот во октомври речиси 106 милијарди долари за да плати за амбициозните планови за обезбедување на границите на Украина, Израел и САД, но републиканците кои го контролираат Домот со мало мнозинство го отфрлија пакетот.
Водачот на мнозинството во Сенатот Чак Шумер, близок соработник на Бајден, објави во понеделникот вечерта дека администрацијата го поканила Зеленски да им се обрати на сенаторите преку видео, како дел од доверливиот брифинг во вторникот „за да можеме директно од него да слушнеме за што се работи ова гласање“.
Покрај тоа, различни врвни функционери на Бајден, вклучително и секретарот за одбрана Лојд Остин и државниот секретар Антони Блинкен, се очекува да ги информираат сенаторите во вторник, пренесува Ројтерс.
