Независниот синдикат на здравствените работници и административно техничкиот персонал утре од 10:30 часот до 11:00 часот ќе одржи предупредувачки протест пред сите здравствени установи во земјава, во знак на револт од наталожените проблеми во здравството.
„Воедно ги замолуваме сите возачи на амбулантни возила да нè поддржат со едноминутна звучна сигнализација (од 10:30 часот до 10:31 часот) во знак на револт“ – се вели во објавата на Независниот синдикат.
Претставници на синдикатот ги повикаа ги повикаа здравствените работници на воздржаност и на мирни предупредувачки протести „во интерес на потребата за надминување на проблемите“.
