По пет години, Здравко Чолиќ вчера премиерно ја изведе песната „100 дукати“, која воедно е подарок за сите дами за празниот 8 март.
Музиката за „100 дукати“ ја направи познатиот пејач Саша Матиќ, текстот го напиша Милош Смиљаниќ Зуца, а аранжманот го обработи Никша Братош. Новата песна е објавена и на официјалниот јутјуб-канал на Здравко Чолиќ, а во тек е снимањето на спотот.
„Драги пријатели, ви подаруваме нова песна – „100 дуката“. Среќен 8 март на сите дами“, се наведува на Инстаграм профилот на Здравко Чолиќ.
Судејќи по коментарите на Јутјуб, песната на многумина им се допаднала.
„Песната е совршена. Што да очекуваме друго од Здравко Чолиќ. Човекот има над 150 хитови, а со оваа песна дополнително ќе ја дополни таа листа“, напишал некој корисник на Јутјуб.
Чолиќ во текот на пандемијата на коронавирусот направи подолга пауза и не објавуваше нови песни. Денот на жените беше совршен датум да се претстави на публиката со нешто ново.
