Затворениците во американската сојузна држава Масачусетс ќе можат да ги намалат затворските казни за најмалку два месеци доколку донираат коскена срж или органи.
Доколку законот биде усвоен, затворениците во американската сојузна држава Масачусетс ќе можат да ги скратат затворските казни во замена за донирање органи или коскена срцевина, пишува Гардијан.
Програмата ќе им овозможи на затворениците да ги скратат казните за минимум 60 и максимални 365 дена. Ќе се формира и петчлен комитет кој ќе ја надгледува програмата. Комитетот, исто така, ќе одлучи за подобноста на затвореникот да учествува во програмата и „количината на донирана коскена срцевина и органи со цел да заработи намалена казна“.
Во моментов, Федералното биро за затвори на САД им дозволува на затворениците да донираат органи само доколку примателот е член на нивното потесно семејство. Меѓутоа, во многу државни затвори, на затворениците не им е дозволено да донираат органи или коскена срцевина, додека ниту една држава не дозволува донирање органи од погубени затвореници, дури и ако се регистрирани донатори на органи.
Според непрофитната организација United Network for Organ Sharing (UNOS), во САД моментално има 104.413 луѓе кои чекаат за трансплантација на органи, од кои 58.970 се на активна листа на чекање.
Еден од авторите на нацрт-законот, Џудит Гарсија, рече дека законот „ќе ја врати физичката автономија на затворениците со можност за донирање органи и коскена срцевина“ и „да ги признае одлуките на донаторите со помали казни“.
Џеси Вајт од Правните служби на затворениците од Масачусетс укажа на проблемот со расната нееднаквост во пристапот до донирани органи и коскена срцевина. Според Гардијан, тој изразил сомнеж дека предложениот закон ќе го реши проблемот.
Albanian
English
Macedonian
Turkish
