Додека во Хрватска вчера се регистрирани 38 позитивни случаи на 536 тестови, во Словенија, што е двојно помало, дури 3.044 случаи на зараза со коронавирус се потврдени на 10.355 антиген и 933 ПЦР тестови.
Според податоците на словенечкиот национален институт за јавно здравје (NIJZ), тоа е за 306 повеќе заразени од минатиот понеделник, кога во соседната земја беа потврдени 2.738 случаи на зараза. Последен пат повеќе од три илјади нови зарази се регистрирани на 10 октомври годинава, кога во еден ден се потврдени 3.676 зарази.
НИЈЗ наведува дека во Словенија моментално има 22.383 активни случаи на заразени, 1.120 повеќе од претходниот ден. Според последните податоци на хрватскиот штаб за цивилна заштита, на 9 декември во Хрватска имало 2.473 активни случаи, а не објавиле ажурирани податоци за изминатите четири дена.
