Сѐ уште релативно топло за ноември, но есенски променливо облачно со услови за локални врнежи од дожд најавуваат метереолозите за денеска.
Претпладне времето ќе биде променливо облачно со локални врнежи од дожд, попладне облачноста ќе се намалува. Ќе дува слаб, а во западните делови умерен ветар од југозападен правец. Дневните температури ќе се движат во интервал од 13 до 23 степени.
Во Скопје времето ќе биде променливо облачно, претпладне со повремен дожд, а попладне умерено облачно со слаб ветар од југозападен правец. Температурата ќе достигне до 19 степени.
