Украинскиот претседател Володимир Зеленски на самитот во Тирана во февруари разговарал со македонскиот колега Стево Пендаровски за можноста украински војници и деца да се рехабилитираат во Македонија по примерот на Хрватска. Пендаровски начелно ја прифатил идејата:
„Идејата е начелно прифатлива за нас, при што е потребна конкретна разработка на деталите што ќе биде во надлежност на владите од земјите кои ќе изразат согласност да земат учество во оваа програма“, соопштиле од кабинетот на претседателот за Радио Слободна Европа.
Тие за РСЕ појасниле дека станува збор за првичен предлог од страна на премиерот на Хрватска и претседателот на Црна Гора, со оглед на тоа дека тие две држави веќе имаат искуство и капацитети за рехабилитација од воените дејствија во 90-те години.
Хрватска згрижи ранети Украинци во 2023 година.
Предлогот на Зеленски уследи откако Хрватска во 2023 година, со одлука на владата прими ранети Украинци и ги згрижи во своите здравствени установи.
