Над 36.000 луѓе се раселени, а 14 загинаа во поплавите што го погодија североисточниот дел на Италија, соопштија денеска регионалните власти на Емилија Ромања, каде целосно се поплавени неколку куќи, а во некои села имаше и одрони.
Регионалните власти и за утре задржаа црвен метео тревог бидејќи обилните врнежи не стивнуваат.
Италијанскиот премиер Џорѓа Мелони (Џорџија) денеска изјави дека предвреме се враќа од самитот на лидерите на Групата седум индустриски најразвиени земји во Хирошима, со цел да работи на решавање на кризата.
„Искрено, не можам да останам толку далеку од Италија во толку комплицирано време“, им рече таа на новинарите во Хирошима. Таа изрази благодарност до спасувачките екипи и волонтерите кои помагаат на терен.
Поплавите предизвикаа повеќе од 305 свлечишта и оштетија повеќе од 500 патишта во регионот.
Градоначалникот на Болоња, Матео Лепоре (Матео), денеска изјави дека ќе бидат потребни „месеци, а на некои места можеби и години“ за да се поправат патиштата и инфраструктурата.
