Во плиткиот дел на пристаништето во Глифада во близина на Атина забележана е сина ајкула (Prionace glauca), како плива меѓу закотвените чамци.
Станува збор за млада ајкула која најверојатно залутала во плиткото море во потрага по храна, а набрзо потоа се вратила во длабочината на морето.
Фејсбук страницата „Грчка инфо“ објави видео од необичниот посетител во грчкото пристаниште кој привлече внимание меѓу минувачите и туристите.
Сината ајкула е вид од фамилијата Carcharhinidae. Се населува во длабоките води на умерените и тропските океани. Овој тип на ајкула е наведен како речиси загрозен.
Има многу остри триаголни заби распоредени во неколку редови во устата. Достигнува должина од 3 и 4,5 m и тежина од околу 150 килограми.
Оваа ајкула живее на отворено море, но плива и до брегот. Често плива под површината, но може да се види и при дното. Го населува Средоземното Море, но и Атлантскиот Океан долж европскиот брег на северот на Норвешка.
Сините ајкули ретко напаѓаат луѓе.
