Владата на Словенија на денешната седница ќе расправа за признавањето на Палестина и ќе ја проследи својата одлука до Националното собрание кое се очекува да ја одобри следната недела, со што ќе се заокружи процесот на словенечко признавање на палестинската држава.
Предложената резолуција за признавање на Палестина ја немаше на дневен ред на денешната седница, која Владата ја проследи во средата, но премиерот Роберт Голоб последните денови најави дека Владата денеска ќе одлучува за неа, пренесува порталот „Сиол“.
На 9 мај, владата веќе започна процедури за признавање на државата Палестина. Потоа најави дека одлуката ќе ја испрати до Народното собрание најдоцна до 13 јуни.
Како што рече Голоб, признавањето е само првиот чекор во потрагата по долгорочно решение на израелско-палестинскиот конфликт, а Словенија, како одговорна членка на Советот за безбедност на Обединетите нации, е должна да направи се за да воспостави траен мир во средниот Исток.
Во вторникот Шпанија, Ирска и Норвешка ја признаа Палестина. Притоа, тие се приклучија на групата од 140 земји кои ја признаа палестинската држава, што го налути Израел.
