Иако се проширија гласини дека Леонардо Дикаприо (47) е во врска со познатата манекенка Џиџи Хадид (27), актерот неодамна е виден со неговата 23-годишна колешка Викторија Ламас.
Ламас и Дикаприо се фотографирани на вечера во клубот „Birds Street“ во Лос Анџелес, во западниот дел на Холивуд, а по вечерата заедно влегле во автомобил, иако одвоено го напуштиле ресторанот, а фотографиите ги објави „Дејли мејл“.
Извор близок до актерот тврди дека тие не се во врска, туку дека само се дружат, но американските медиуми веќе пишуваат за нивната наводна врска.
Викторија потекнува од познато американско семејство. Нејзиниот татко Лоренцо глумеше во голем број филмови и серии, а најпознат е по улогата во серијата „Falcon’s Ridge“. Мајката, Шауна Сенд, исто така била актерка, но и зајачица на „Плејбој“.
Актерката досега нема забележителни улоги, а глумеше во серијата „Secret Identity“, но само една епизода. Глумеше и во неколку кратки филмови. Последната улога ја одигра во 2020 година во краткиот филм „Two Niner“.
Сепак, Викторија гради успешна манекенска кариера. Таа, исто така, редовно ги покажува своите слики и уметнички дела на Инстаграм. Нејзините дела често се апстрактни верзии на луѓе.
Интересно е и тоа што Викторија Ламас е родена две години по снимањето на филмот „Титаник“, кој го лансираше Дикаприо меѓу ѕвездите.
