Пред крајот на натпреварот меѓу екипите на Вардар 1961 и Еурофарм Пелистер се случи мал инцидент и турканица меѓу играчите, а еден од полициските службеници со пендрек го удри по главата македонскиот репрезентативец Филип Талески.
Видеото го сподели и Дејан Манасков на својата официјална страница на која напиша „Зошто?“.
Повеќе репрезентативци и играчи го осудија потегот на полицаецот.
Трофејот во македонскиот ракометен куп остана во сопственост на Вардар 1961, откако „црвено – црните“ во драматична завршница го совладаа во финалето во Охрид големиот ривал Еурофарм Пелистер со 26-25.
Со триумфот Вардар дојде до својата 16. куп титула во клупската историја и му се реваншираше на Еурофарм Пелистер за минатонеделниот гостински пораз во рамки на Суперлигата со кој најверојатно му ја предаде шампионската титула на тимот од Битола.
