Американскиот претседател Џо Бајден направи уште еден гаф. Овој пат за време на говорот во американската држава Колорадо, кога по грешка рече дека неговиот син, кој почина од рак во 2015 година, „го загубил животот во Ирак“.
-“Само замисли. Ова го кажувам искрено. Ова го кажувам како татко на човек кој ја доби Бронзената ѕвезда, Медалот за заслужна служба и кој го загуби животот во Ирак“, изјави американскиот претседател во моментот кога воениот камп Хале го прогласи за национален споменик.
Синот на Бајден, Џозеф Робинет Бо Бајден Трети е роден на 3 февруари 1969 година во Вилмингтон, Делавер и беше најстарото дете на поранешниот сенатор и 46-ти американски претседател Џо Бајден и неговата прва сопруга Неилија.
Бо почина во мај 2015 година на 47-годишна возраст, на неговиот погреб Барак Обама одржа трогателен говор, а за него пееше неговиот омилен пејач Крис Мартин. Бо Бајден служеше во Ирак во 2008 и 2009 година, а почина шест години подоцна.
Ова не е прв пат Бајден да прави гафови. Неодамна испушти шалабахтер за време на интервју за Си-Ен-Ен, во последно време се мачеше со говори, а на крајот на септември се повика на името на починатата конгресменка.
Неодамна тој ги изненади сите присутни со изјава на Конгресот на наставници во Вашингтон, во која рече: „Таа имаше 12, а јас 30. Белата куќа не објасни што сакал да каже американскиот претседател со тоа.
А во средината на септември, Бајден ги загрижи сите со своето однесување по настапот во Њујорк. По говорот не знаел да се симне од бината и изгледал дезориентиран
