Новак Ѓоковиќ, најуспешниот тенисер на сите времиња, знаеше како да го прослави освојувањето на рекордната 24. Грен слем титула. За време на доделувањето на купот, тој носеше маица во која му оддаде почит на покојниот Коби Брајант, легендарниот американски кошаркар кој добар дел од кариерата го носеше дресот со број 24.
На маичката пишуваше „Мамба засекогаш“, алудирајќи на прекарот што големиот кошаркар на Лос Анџелес Лејкерс го имаше во текот на кариерата.
Американската јавност беше воодушевена од постапката на Новак, а своето одобрување го изрази и Ванеса Брајант, вдовицата на Коби.
Таа на социјалните мрежи објави фотографија од Ѓоковиќ облечен во маица „Mamba Forever“ со натпис:
„Реално го препознава вистинскиот!
Брајант и Ѓоковиќ беа пријатели, а Новак често кажуваше колку му значи врската со кошаркарот, кој загина во хеликоптерска несреќа во 2020 година заедно со неговата ќерка и уште седум други лица.
