Утре и задутре на берза ќе се продаваат два пакета акции кои Топлификација во стечај ги поседува во когенеративната централа ТЕ-ТО. Информацијата е објавена на страната на Македонска берза.
Продажбата е закажана на барање на Комерцијална Банка.
Утре на продажба ќе се понудат 25 обични акции издадени од ТЕ-ТО што претставува 10% од основната главнина на друштвото. Почетната цена по акција е 39.871.71 денари, а моделот на продажба е „се или ништо“ што значи еден купувач треба да ги купи сите акции.
Задутре, пак, ќе бидат понудени 2 обични акции издадени од ТЕ-ТО што е 0,80% од основната главнина на друштвото, со почетна продажна цена од 39.871.71 денари по акција исто така преку моделот „се или ништо“.
Топлификација која сега е во стечат за време на изградбата на когенеративната централа, зеде кредит од Комерцијална банка во износ од 10,5 милиони кредит кој поради низа правни случувања не успеа да ги врати. Сегашната продажба на акциите на Топлификација во ТЕ-ТО се однесува на 7 милиони евра од износот на тој кредит.
Уделот на Топлификација во ТЕ-ТО е 10,9%.
