Вишиот управен суд донесе пресуда по тужбата на Еуромакс Ресоурцес по одлуката за одбивање од страна на Министерството за економија на нашето барање за дозвола за експлоатација за концесијата „Иловица 6“. Со оваа финална пресуда на Вишиот управен суд се уважува тужбата на компанијата и се поништува оспорената одлука на Министерството за економија – соопшти компанијата Еуромакс Ресоурцес.
„Пресудата во целост ги отстранува евентуалните оспорување на правната важност на концесијата „Иловица 6“ и ова е трета финална пресуда во полза на компанијата од почетокот на правниот спор во 2019 година. Потенцираме дека претходно, уште во 2020 година, управните судови донесоа финална пресуда врз база на истата правна аргументација.
Единствената судска постапка која што е во тек, и по која сè уште нема одлука се однесува на неоснованата одлука на Владата од 25 јули 2023 година со која ја повлече својата претходна одлука за одобрување на спојувањето на концесиите од 27 јуни 2023 година.
Сите судски постапки иницирани од активностите на Владата во однос на концесијата „Иловица 6“ сега се решени во наша полза, Владата е должна да донесе одлука по нашето барање за спојување на концесиите „Иловица 6“ и Иловица 11“, согласно последната пресуда на Вишиот управен суд донесена на 24 ноември 2023 година.
Во рамки на пресудата, Вишиот управен суд повторно, како и во 2020 година, нагласува дека не само што носењето одлука за барањето за спојување на концесиите за „Иловица 6“ и „Иловица 11“ претставува претходно правно прашање, туку исто така се наведува дека Владата е должна да донесе одлука за барањето за спојување на концесиите (барање од јануари 2016 година)“ – информира комапнијта во соопштение.
– Сите наши правни административни процеси иницирани пред управните судови со кои беа оспорени владините одлуки во врска со концесијата „Иловица 6“ сега се разрешени во наша полза. Вишиот управен суд утврди дека Владата има обврска да донесе одлука за барањето за спојување на двете концесии, и исто така посочи дека Еуромакс ги има исполнето сите законски барања за тоа да биде позитивно одлучено. Ние веруваме дека сега Владата има целосен правен легитимитет за повторно да го стави одлучувањето по основ на барањето за спојување и при тоа повторно да одлучи во корист на Проектот – вели претседателот на Одборот на директори и главен извршен директор на Еуромакс Ресоурцес Лтд, Тим Морган – Вин.
„Дополнително сакаме уште да ја потсетиме јавноста, компанијата минатата недела испрати писмо до министерката за животна средина и просторно планирање, г-ѓата Каја Шукова обврзувајќи се дека при експлоатација на минералните суровини во идниот рударски комплекс „Иловица – Штука“, нема да се користи цијанид согласно Законот за минерални суровини; компанијата се заложува за технологија на „суво јаловиште“ при менаџирањето на отпадот од рудникот и се обврзува на изградба на нов водоводен систем за потребите на локалното население“ – се вели во соопштението на компанијата.
– Доколку Владата го одобри барањето за спојување на двете концесии и се продолжи во исполнување на сите законски обврски, ние забрзано ќе го интезивираме развојот на Проектот Иловица-Штука, испорачувајќи моќни економски користи, и истовремено дозволувајќи заканата од евентуална меѓународна арбитража целосно да исчезне – вели главниот извршен директор Тим Морган – Вин.
