Унгарските цариници на граничниот премин Реска, на влез во државата, заплениле цигари во вредност од 300.000 динари и им наплатиле казна од 10.000 евра, јавува РТС.
Унгарските цариници во шуплините на автомобил со српски регистарски таблички пронашле 1.060 кутии цигари од различни марки.
Тутунските производи без акциони марки биле скриени на неколку места во автомобилот, спакувани зад страничните капаци и во шуплините пред моторот.
Автомобилот го управувал унгарски државјанин, кој од Царинската управа на Унгарија е казнет со околу 10.000 евра за непријавена стока вредна околу еден милион форинти или околу 300.000 динари.
Во патниот сообраќај, во земја на Европската унија, без царина може да се внесат 40 цигари или две кутии.
