Украинските власти соопштија дека биле соборени сите 10 руски беспилотни летала кои биле користени во нападот на Украина во текот на ноќта, но дека две лица се повредени и дека во Харков биле запалени станбени згради.
Воздухопловните сили на Украина соопштија дека Русија лансирала и две противвоздушни наведувани ракети, кои најверојатно биле користени во нападот на Харков.
Гувернерот на Харковската област Олех Синехубов изјави дека во нападот биле опожарени три станбени згради, додека десетина биле оштетени.
Синехубов рече дека цел на нападот биле инфраструктурни објекти и станбени области, пренесува Ројтерс.
