Украинската служба за безбедност(СБУ) објави снимка за да потсети за заземањето на Змискиот остров во Црното море кое се случи пред две години. Таа покажува како украинските војници кои беа стационирани на островот се здобија со култен статус кога со пцости одговорија на руското барање да се предадат.
Кирило Буданов, шеф на украинската воена разузнавачка агенција (ГУР), претходно го опиша Змискиот остров како стратешки клучен од цивилни, комерцијални и воени причини.
– Кој го контролира островот може во секое време да го блокира движењето на цивилните бродови во сите правци кон јужна Украина и да ја нападне западна Украина – рече Буданов во средината на мај 2022 година.
Обид за државен удар
Украинските власти објавија дека спречиле обид за државен удар, група се обидела да организира „провокации“ во Киев вчера, кога земјата го одбележува Денот на Уставот, објавија денеска разузнавачката служба и обвинителите на СБУ.
Плановите вклучуваа окупација на парламентот за време на демонстрации и формирање на „привремена влада“, се вели во извештајот.
„Во тек е истрага против четворица мажи, од кои двајца се во притвор. Во рациите беа пронајдени оружје и муниција“, се вели во извештајот.
Осомничените може да се соочат со казна затвор до 10 години доколку бидат прогласени за виновни. Истрагата ја водат властите во Ивано-Франковск на западот на земјата.
800 бомби во една недела
Украинскиот претседател Володимир Зеленски побара од Западот да ги укине ограничувањата на оружјето за таргетирање на Русија, откако ги обвини руските сили дека фрлиле повеќе од 800 бомби во една недела, пренесува ДејлиТелеграф.
„Само оваа недела Русија употреби повеќе од 800 воздушни бомби против Украина. Против нашите градови и заедници, против нашиот народ, против сè што го прави животот нормален. На Украина ѝ се потребни потребните средства за да ги уништи носачите на овие бомби, вклучително и руските борбени авиони, каде и да се. Овој чекор е суштински“.
Лизгачките бомби се тешка муниција од советската ера на кои се наставени прецизни системи за наведување. Бомбите се лансираат од авиони кои летаат надвор од опсегот на противвоздушната одбрана. Бомбите имаат носивост од 1,5 тони.
Во неделата, Русија ги погоди двата најголеми града во Украина со бомба во која загина едно лице и рани осуммесечно бебе во Харков, додека фрагменти од проектил оштетија станбена зграда во Киев.
Зеленски денеска на Телеграм обзнани дека Украина го зголемува производството на беспилотни летала, оружје, муниција, опрема, машини за деминирање и сè што е потребно на фронтот.
Заземени уште две села во Харковската област
Министерството за одбрана на Русија денеска соопшти дека армијата зазела уште две села во источна Украина, откако викендот зазеде три села.
Како што руското МО објави на Телеграм, заземени се селото Новопокровска во сточната област Доњецк и селото Сепова Новеселивка во североисточната област Харков.
Русија постепено зазема територија по неуспешната голема украинска контраофанзива од минатото лето и падот на Авдијевка во февруари годинава.
Украинската армија се соочува со недостиг на регрути, оружје и муниција поради доцнењето на пошта од западните земји.
