Украина денеска соопшти дека минатата недела повторно освоила 18 квадратни километри територија од руските сили, вклучително и седум квадратни километри околу разурнатиот град Бахмут на истокот на земјата.
„Во текот на изминатата недела, како резултат на подобреното оперативно (тактичко) позиционирање на линијата на фронтот кон Бахмут, беше ослободена територија од седум квадратни километри“, се вели во изјавата на заменик-министерот за одбрана на Украина Гана Малиар на Телеграм.
Бахмут падна под руска контрола во мај по неколку месеци конфликт.
Малиар додаде дека од минатата недела уште 11 квадратни километри на југот на Украина повторно се под контрола на Украина, што со областите околу Бахмут изнесува вкупно 18 квадратни километри.
