Украинскиот министер за внатрешни работи Ихор Клименко објави на апликацијата за пораки Телеграм дека Украина спречила синоќа обид на руска диверзантска група да ја премине нејзината северна граница.
„Синоќа во регионот Черниговски граничари спречија обид на непријателска диверзантско-извидувачка група да ја премине државната граница на Украина во рамките на заедницата Семенивка“, пренесува Ројтерс.
Серхи Наев, командант на здружените сили на вооружените сили на Украина, изјави дека четири вооружени лица се обиделе да ја преминат границата, но во тоа биле спречени од украинската армија.
Клименко рече дека овие четири лица дошле од руска територија и дека таму се распоредени резервни единици на Државната гранична служба и украинските вооружени сили.
Украина ги засили трупите во својот северен воен сектор по извештаите за пристигнувањето на рускиот водач на платеници Евгениј Пригожин и војниците на групата Вагнер во Белорусија. Пријавеното присуство на платениците на Вагнер, исто така, доведе до тоа Полска да испрати дополнителни сили на својата граница.
